فكرة تقسيم الاستاد لمصلحه منظم الماتش
دايما فى الديربى المصرى من وقت ما اتلعب على استاد القاهرة و هو بيتقسم بالنص بين جمهور الاهلى و الزمالك
جمهور الزمالك فى اليمين و جمهور الاهلى فى الشمال بالتساوى .
اقرب مثال عالميا هو ديربى ميلانو بين انتر ميلان و اس ميلان و الديربى بيتلعب على نفس الملعب جوزيبى مياتسا او ( سان سيرو ) حسب ما بيحب يسميه جمهور الميلان
و فى الديربى صاحب الارض بياخد الجزء الاكبر من المدرجات و بيكون جزء صغير لجماهير الفريق المنافس
نفس الكلام بيحصل فى الارجنتين فى السوبر كلاسيكو بين بوكا جونيورز و ريفير بليت لكن على ملعب مختلف لان كل فريق ليه ملعبه الخاص بيه
بوكا جونيورز فى ملعب البومبونيرا و ريفير بليت فى ملعب المونيمونتال
و الموضوع ده بيدى افضليه كبيرة لصاحب الارض لان المنافس حيلعب تحت ضغط جماهيرى كبير من الجماهير المنافسه و حتحس فعلا انه صاحب الارض مش مجرد كلام بالاسم او مجرد ايراد بيروح للنادى .
- بالنسبه مثلا لو الماتش للزمالك يبقى جمهور الاهلى فى الاولى شمال و نفس الكلام لو الماتش للاهلى يبقى جمهور الزمالك فى الاولى يمين و لو حيتخصص اماكن للجمهور بشكل معين يكون ( المدرج بالكامل للجمهور ) لان فى ماتش من ماتشات السوبر كلاسيكو فى ( ملعب المونيمونتال ) جمهور البوكا كان فى التالته يمين فى المدرج العلوى و استغل الفرصه و رمى شماريخ على جماهير الريفير فى المدرج السفلى :)
